„Hún bar ómælda virðingu fyrir sköpunarverkinu og manneskjunni, mynd- og hljóðheimi hennar og taldi alla hafa eiginleika til persónulegrar sköpunar; hjálpa ætti hverju barni í skólastarfi að þróa sinn eigin tjáningarmáta en að hér á landi hæfist það ferli alltof seint.” Þetta skrifar Kristín Þorkelsdóttir um Valgerði Briem í Morgunblaðið árið 2006.
Eftir Valgerði Briem liggur fjöldinn allur af heimilisteikningum sem hún gerði árið 1969. Þetta verk heitir Horn við gluggann í borðstofunni. Verkið er 21 x 15 cm að stærð og er teikning á pappír.
Verk Valgerðar Briem (1914-2002) gefa til kynna að um var að ræða einstaklega hæfileika og hugmyndaríka listakonu. Verk hennar urðu aldrei mjög þekkt meðal almennings og hefur hún stundum verið kölluð huldukona íslenskrar myndlistar.
Valgerður Briem nam myndlist í Svíþjóð á árunum 1945-1947. Hún kenndi við myndlista- og handíðaskólann og Austurbæjarskóla og notaðist við fjölbreyttar aðferðir í kennslunni. Fyrrverandi nemendur Valgerðar vilja meina að mikill frumleiki og metnaður hafi einkennt kennsluna og skólastofuna hjá Valgerði Briem. Hún hvatti nemendur sína til ástríðufullrar tjáningar og lagði mikið upp úr tengslum við skynjun. Ásamt því að kenna sinnti Valgerður list sinni að kappi og skapaði hún m.a. ótal teikningar, vatnslitamyndir og grafíkverk.
Í safneign Gerðarsafns er að finna 1.640 teikningar og grafíkverk eftir Valgerði sem erfingjar hennar færðu safninu.
