Verið hjartanlega velkomin á leiðsögn og spjall með Jeannette Ehlers & Herttu Kiiski fimmtudaginn 21. ágúst kl. 17:00 í Gerðarsafni. Athugið að þetta er eina skiptið sem þær verða með spjall á sýningartímabilinu.
Jeannette Ehlers (f. 1973) er listamaður frá Danmörku og Trinídad sem skapar margmiðlunarverk – vídeó, gjörninga og innsetningar – til að takast á við arfleifð nýlenduvæðingarinnar og menningu fólks af afrískum uppruna utan álfunnar. Í forgrunni listsköpunar hennar er svarti líkaminn sem vettvangur andspyrnu, helgisiða og umbreytingar. Jeannette fer í saumana á því hvernig mannkynssagan er rituð í líkama og landslag og leggur þannig fram áhrifamikið andsvar við ríkjandi menningarminni.
Hertta Kiiski (f. 1973) er finnskur listamaður sem vinnur með ljósmyndun, vídeó, innsetningar og textíl. Verk hennar skora á hólm frásagnir með mannskepnuna í fyrirrúmi með því að leggja áherslu á tilfinningalegar og vistfræðilegar samtengingar við hinn ómannlega heim. Ljóðræn nálgun Herttu einblínir á hluttekningu, mýkt og hægð sem aðferðir til viðnáms og róttækrar athygli.
Nánar um Corpus: https://gerdarsafn.kopavogur.is/event/corpus/
Aðgöngumiði að safninu gildir, frítt fyrir árskortshafa.
