Melkorka Gunborg Briansdóttir, Júlía Gunnarsdóttir og Stefanía Stefánsdóttir
Verið öll velkomin á hádegisviðburð Orðaskipta í Gerðarsafni.
Fimmtudaginn 18. júlí klukkan 12 verður ein fjögurra stuttmynda þeirra Júlíu, Melkorku og Stefaníu í skapandi sumarstörfum sýnd á neðri hæð safnsins, í rýminu bak við stigann.
Í myndinni Busl er kafað djúpt ofan í þjóðarsálina, en sundmenningin er okkur landsmönnum öllum kær. Í lauginni getum við skvett úr klaufunum, spjallað, synt, flotið og sprellað án rafrænna truflanna. Þær Júlía og Melkorka ræða málin í potti Kópavogslaugar – heimsækja okkar innra barn og kryfja tilfinningaleg tengsl okkar við stóra baðið.
Í verkefninu Orðaskipti skapa Stefanía, Júlía og Melkorka fjórar stuttmyndir yfir sumarið. Markmiðið er að kafa ofan í ólíkar tegundir samskipta – með orðum og án þeirra – í ýmsum aðstæðum og milli ólíkra einstaklinga.
Lokasýning á stuttmyndunum fjórum verður fimmtudaginn 25. júlí í Salnum
