Kristófer Rodriguez Svönuson, slagverks- og trommuleikari og bæjarlistamaður Kópavogsbæjar býður til aðventutónleika á aðventuhátíð. Á boðstólum verður fjölbreytt tónlist úr klassískum jólakvikmyndum og plötum sem á það sameiginlegt að vera vel grúví. Tónlistin ætti að höfða jafnt til dansglaðra sem og þeirra sem líður best sitjandi með kakó og fætur upp í loft.
Hljómsveitina skipa þeir Daníel Helgason (gítar), Hannes Helgason (orgel) og Kristofer Rodríguez Svönuson (trommusett).
Tónleikarnir fara fram frá klukkan 15 í forsal Salarins, öll velkomin og aðgangur ókeypis.
