Verkin Arrival (2023) eftir Kleoniki Stanich og Sorgarhyrna (2025) eftir Gunnar Jónsson er nýjasta samspil Lúppu.
Í Arrival fylgjum við ungri konu sem upplifir sig innilokaða á heimili sínu og ferðasttil grísks eyjaklasa til þess að komast út úr stöðnuðu ástandi sínu. Rannsóknir og verk Kleoniki (1994) kanna hvernig konur virkjaalmenningsrými, bæði í raunveruleikanum og á skjánum.
Sorgarhyrna er samtal á milli landslags og lundarfars þar sem áhyggjuhrukkur á enni falla inn í samsvarandi fjallaskörð. Sú einfalda mynd endurspeglar hvernig Ísfirðingar upplifa sólarganginn á eigin skinni og tilfinningalífi á veturna þegar birtan takmarkast í lengri tíma vegna hárra fjallagarða. Í verkum Gunnars (1988) spilar staðsetning og nálægð við hafið stórt hlutverk, jafnt á harmþrunginn sem viðkvæman hátt.
Verkin eru bæði staðbundinn og í þeim rennur líkaminn saman við landslagið. Lúppa er sýningaröð þar sem tveimur vídeóverkum er stillt saman og þau spiluð í hringrás. Á sex vikna fresti breytist takturinn og ný verk taka við.
