Ekphrasis er ritlist innblásin af myndlist sem á rætur sínar að rekja til Grikklands til forna. Hún er tilraun
til að fanga sjónræna upplifun og tilfinningar og umbreyta þeim í texta. Rithöfundar frá Reykjavík Poetics
munu leiða klukkustundar langa smiðju í Gerðarsafni sem er opin rithöfundum jafnt sem einstaklingum
sem ekki skrifa. Þar munum við kanna þetta skapandi verkfæri og semja ljóð eða prósa innblásna af
listaverkunum í kringum okkur.
Þátttakendum býðst að vafra um sýningarsali safnsins, en um þessar mundir tekur sýning Jeremy Deller,
Landlæg hamingja, yfir tvo stærstu sýningarsali safnsins. Á neðri hæðinni má jafnframt finna
sýningarröðina Lúppa og yfirlitssýningu á verkum Gerðar Helgadóttur.
Í lok smiðjunnar býðst þátttakendum að taka þátt í upplestri með Reykjavík Poetics í Salnum frá 18:30 til 19:00. Upplesturinn er hluti af dagskrá Hamraborg Festival.
Reykjavík Poetics er samfélagsmiðuð listamannasamsteypa sem stendur fyrir tveimur
bókmenntaviðburðaröðum: mánaðarlegum opnum hljóðnema, Reykjavík Open, ásamt öðrum
sýningarstýrðum viðburðum. Reykjavík Poetics leitast við að skapa vettvang fyrir fjöltyngda þátttöku
innlendra og erlendra rithöfunda með það að markmiði að gera bókmenntir aðgengilegar, án aðgreiningar
og efla lifandi bókmenntasamfélag þar sem fjölbreyttar raddir fá að heyrast.
