18.11.2020- 21.06.2021
Gerðarsafn hefur opnað að nýju með þremur nýjum sýningum. Sýningaröðin Skúlptúr/skúlptúr með einkasýningum Ólafar Helgu Helgadóttur og Magnúsar Helgasonar verður á efri hæð safnsins. Á neðri hæð verður opnuð ný sýning á verkum Gerðar Helgadóttur. Grímuskylda er á safninu og fjöldatakmörkun miðast við 10 einstaklinga. Við erum öll almannavarnir!
Myndlistarmennirnir Bergur Thomas Anderson, Logi Leó Gunnarsson og Una Margrét Árnadóttir leiða skapandi fjölskyldusmiðju í Stúdíói Gerðar. Þau koma með skemmtilegar hugmyndir sem börn og fullorðnir geta búið til úr einföldum og aðgengilegum efnivið heima hjá sér.
Hanna Guðlaug Guðmundsdóttir, listfræðingur, fjallar um ýmsa þætti í listferli Gerðar Helgadóttur með feminískri nálgun.Feminísk listfræði (e. Feminist art history) á sér hálfrar aldar sögu. Upphafið má rekja til þeirrar viðleitni að varpa ljósi á listsköpun myndlistarkvenna og að sama skapi, þeirrar tilhneigingar að þagga niður framlag þeirra í karllægri listasögu.