Velkomin í skólaheimsókn þar sem yfirstandandi sýningar og safneign Gerðarsafns er grunnur að samtali um myndlist, túlkun og skapandi hugsun. Boðið er upp á leiðsagnir og smiðjur fyrir nemendur af öllum skólastigum. Safnið býður upp á leiðsögn um yfirstandandi sýningar alla virka daga skólum að kostnaðarlausu. Heimsóknin tekur um klukkustund en semja má um styttri eða lengri heimsókn sé þess óskað. Leiðsagnir eru eftir samkomulagi og eru skólum að kostnaðarlausu. Að neðan má sjá grunnleiðsagnir um yfirstandandi sýningar og safneign Gerðarsafns en einnig má óska eftir sérsniðinni leiðsögn.

Skólahópum er velkomið að koma á safnið án leiðsagnar safnkennara. Mælt er með að hópar sem koma á eigin vegum láti safnið vita af komu sinni.

Vinsamlegast bókið leiðsagnir með góðum fyrirvara á netfangið gerdarsafn@kopavogur.is