Opið í dag

12:00-18:00

Fjölskyldustund | Jólamerkimiðar

Merkimiðasmiðja með listamanninum Eddu Mac þar sem kartöflustimplar verða notaðir til þess að búa til einstaka og gamaldags merkimiða fyrir jólapakkana. Smiðjan er opin öllum og er þátttaka gestum að kostnaðarlausu. Fjölskyldustundir á laugardögum eru í boði Menningarhúsanna í Kópavogi sem eru Bókasafn Kópavogs, Gerðarsafn, Náttúrufræðistofa, Salurinn og Héraðsskjalasafn.

Síðasti sýningardagur Ó, hve hljótt

Síðasti sýningardagur Ó, hve hljótt verður á sunnudaginn 31. mars. Sýningin Ó, hve hljótt samanstendur af völdum kvikmyndum, hljóð- og vídeóverkum eftir bæði íslenska og alþjóðlega samtímalistamenn. Þó að verkin kunni að vera af ólíkum toga, í stíl eða efnistökum, eiga þau það sammerkt að bera með sér yfirvegaða kyrrð og djúpstæða friðsæld, líkt og sýningartitillinn […]

Allir velkomnir

Samtal um málefni sýningarinnar „Einungis allir“ fara fram í Gerðarsafni á síðasta sýningardegi, þann 6. janúar 2019, kl. 15. Meðal þátttakenda eru myndlistarmennirnir Libia Castro & Ólafur Ólafsson og Melanie Ubaldo, Snæbjörn Brynjarsson, rithöfundur og blaðamaður og Kristín Dagmar Jóhannesdóttir, safnstjóri Gerðarsafns. Sara S. Öldudóttir, sýningarstjóri og rannsakandi Cycle-listahátíðar, leiðir umræðurnar.  Sýningin Einungis allir opnar […]

Haustfrí – Tilraunir með teikningu

Myndlistarmaðurinn Arnar Ásgeirsson kynnir fjölbreyttar og óútreiknanlegar teikniæfingar sem miða að því að ýta nemendum út úr þægindaramma sínum með því markmiði að nemendur nálgist verkefnið með opnum hug og prófi sig áfram með ólíkum vinnuaðferðum. Arnar er sjálfur þaulvanur teiknari sem sem hefur gleði og leik í fyrirrúmi í nálgun sinni á teikningu og […]

Skoðað og skynjað I Foreldramorgnar

Ungabörnum og foreldrum þeirra er boðið í skapandi samverustund á Gerðarsafni undir yfirskriftinni Skoðað og skynjað. Listaverk og umhverfið verður skoðað með skynjunarkubbum sem birta liti, form og birtu. Snertiskynið verður einnig örvað með ólíkum áferðum og  búið verður til listaverk með litaðri ull.

Tónleikar | Lokahátíð Skapandi sumarstarfa

Fimmtudaginn 26. júlí, kl. 17:00 á neðri hæð Gerðarsafns verður boðið upp á ókeypis tónleika í tilefni lokahátíðar Skapandi sumarstarfa í Kópavogi. Tónlistarmennirnir sem fram koma eru fiðluleikararnir Ingibjörg Ásta Guðmundsdóttir og Sólrún Ylfa Ingimarsdóttir sem mynda dúóið Bachelsi, klassíski gítarleikarinn Brynjar Friðriksson sem blandar saman klassískri tónlist og popptónlist og Ingibjörg Steingrímsdóttir sem frumflytur […]

Bænafánasmiðja I Afmæli Barnasáttmálans

Haldið verður upp á 30 ára afmæli Barnasáttmála Sameinuðu þjóðanna í Kópavogi miðvikudaginn 20. nóvember. Að því tilefni verður boðið upp á bænafánasmiðju á Gerðarsafni fyrir grunnskólabörn í Kópavogi. Smiðjan er samhliða sýningunni Krakkaveldi, þar sem unnið er með óskir barna til stjórnvalda og framtíðarinnar. Notast verður við endurunnin efni og málningu og stuðst við form […]

Hrár Kjúlli í Jell-O | Sælir Kælir

Dagana 11.-14. júní mun listamannarekna farandsgalleríið Sælir Kælir taka sér bólfestu í anddyri Gerðarsafns. Í kælinum verður sýningin Hrár Kjúlli í Jell-O með verkum eftir Eyju Orradóttur & Marbendil.